लक्षण मदेयकं पिसिआर परीक्षण याकेबलय् आः टेकुइ नं धिबाः तुइगु 

लक्षण मदेयकं पिसिआर परीक्षण याकेबलय् आः टेकुइ नं धिबाः तुइगु 


असोज २५ -  शुक्रराज ट्रपिकल तथा सरुवा रोग अस्पताल टेकुं कोरोना भाइरस संक्रमणया लक्षण खनेमदेयकं परीक्षण याकुसाः आः धिबाः काइगु जुगु दु। 

अस्पतालया निर्देशक सागरराज भण्डारीइ अस्पतालं आइतबाःनिसें लक्षण मदुपिं व कन्ट्याक्ट टेसिङ्गय् मलापिनिगु परीक्षण यायेमाःसाः २ द्वः तका कायेगु शुरू याःगु खः।  

सरकारी प्रयोगशालाय्  परीक्षण याकेबलय् थ्वया न्हय् सरकारं निशुल्क व्यवस्था यानातगु खः। 

खास याना स्वनिगःपिनें वइपिन्त छेँय् थुवाः व रोजगारदातां कोरोना परीक्षण रिपोर्ट हयेत धासेलिइ टेकुइ मनूत म्वः म्वः जुगु खः। अथेहे थीथी जाँचय् ब्वति काइपिं ब्वमितयत नं परीक्षण रिपोर्ट तयेमागुलिइ लक्षण मदुसाः नं परीक्षण याकेमाःगु बाध्यता दु। लक्षण दुपिं व गम्भीर संक्रमिततयके परीक्षणया धिबाः मकायेगु धकाः अस्पतालं धागु दु।

थुथाय् टेकुइ न्हिच्छिया ७०० म्हतियां पिसिआर परीक्षण जुयाच्वंगु दु।  अस्पतालय् पिसिआर परीक्षण याकवइपिनिगु ल्याः अप्वयाच्वंगुलिइ अस्पतालं १० बेड, जनशक्ति, लिसें २ गू भेन्टिलेटर तनेत तयारी यानाच्वंगु दुसाः टेकुइ ५२ म्ह संक्रमितया वासः जुयाच्वंगु दु। अस्पतालया आइसियु, भेन्टिलेटर जानाच्वंगु दु। अस्पतालय् थुथाय् २० भेन्टिलेटर व ७ आइसियु बेड दु।