तोखाय् कृष्णद्यःया जात्रा जुल

तोखाय्  कृष्णद्यःया जात्रा जुल


साउन २८ - थौं कृष्णद्यःया जात्रा जुइगु दिं खः।

थुगुसिइ कोरोना भाइरसया संक्रमण पनेत फुक्क धइथें थासय् कृष्णजात्रा दिकूगु दु । तर येँया सांस्कृतिक संरक्षित लागा घोषित तोखाय् धासाः जात्रा  न्ह्याःगु दु। थौं सुथय् तोखाय् न्ह्याबलें थें खुगू खटय् खुम्ह कृष्णद्यःपिं तयाः खुगू हे दापा खलः व छगू भजन खलः नापं दुथ्याकाः देय् चाःहिकेगु ज्या जूगु तोखा संस्कृति सम्पदा संरक्षण दबुया नायः मनिराज डंगोलं धयादिल ।