यल नगरप्रहरीयात ट्राफिक व्यवास्थापनबारे तालिम

यल नगरप्रहरीयात ट्राफिक व्यवास्थापनबारे तालिम


पुस १९ - यल महानगरपालिकां थः नगरप्रहरीयात ट्राफिक व्यवास्थापनबारे तालिम  बिइगु ज्या शुरू याःगु दु।

नगरया सवारी व्यवस्थापनय् ट्राफिक प्रहरीयात ग्वाहालि यायेत धासें महानगरं थः  नगर प्रहरीयात थनिनिसें तालिम बिइगु ज्या शुरू याःगु खः।

महानगरयात देयया हे नमूना नगर दयेकेगु धासें नगर प्रमुख चिरीबाबु महर्जनं नगरदुने अप्वगु सवारी चाप व दुर्घटना न्यूनिकरण यायेत नगरप्रहरीयात तालिम ज्या न्ह्याकागु धयादिल। वयकलं महानगरीय ट्राफिक प्रहरी महाशाखाया एसएसपी जनक भट्टराईलिसें समन्वय याना २ म्ह ट्राफिक प्रशिक्षकं निवातक नगरप्रहरीयात ट्राफिक तालिम बिइगु धयादिल। 

थुथाय् जोर विजोर मदुसेलिइ सवारी चाप व दुर्घटना अप्वगु धासें थुकियात न्यूनिकरण याना सवारी व्यवस्थापनय् छुं हदतक जुसाः नं नगरप्रहरीइट्राफिक प्रहरीयात ग्वाहालि यायेत तालिम बिइगु शुरू यानागु धकाः यल नगर प्रहरी प्रमुख सिताराम हाछेथुं धयादिल। चोक चोकय् ड्युटीइ खटे जुइबलय् नगर प्रहरीइ आत्मबल अप्वइगु, क्षमता अभिवृद्धि जुइगु व ट्राफिक प्रहरीथें याकचा मग्यासें, निष्पक्ष जुया जया यायेफइगु अभ्यास जुइगु हाछेथुया धापू दु । नगर प्रहरीयात ट्राफिक जाम, विशिष्ट व्यक्तिया सवारी, जात्रा लगायतया झ्वलय् ड्युटी तयेफुसाः नं थज्यागु भूमिका प्रभावकारी जुइगु वयकलं धयादिल ।

तालिमय् ५० म्ह नगरप्रहरी ब्वति कयाच्वंगु दु। सडकया सवारी व्यवस्थापनया लागि ट्राफिक प्रहरीइ थीथी इलय् स्कुल, कलेजया ब्वमि व मेमेपिं स्वयमंसेवक परिचालन याना ट्राफिक व्यवस्थापन यानावयाच्वंगु दु।