त्रिचन्द्र कलेजया भवन पुनर्निर्माण यायेगु प्राधिकरणया प्रस्ताव

त्रिचन्द्र कलेजया भवन पुनर्निर्माण यायेगु प्राधिकरणया प्रस्ताव


साउन १४ -  येँया  जमलय् थ्वया न्हय् परीक्षा नियन्त्रण ज्याकु दुगु जग्गाय् त्रिचन्द्र कलेजया लागि भवन पुनर्निर्माण यायेत प्रस्ताव यागु दु।

राष्ट्रिय पुनर्निर्माण प्राधिकरणं येँया मौलिकता क्यनिगु व खुला ठाय् पिकायेगु लक्ष्य नापं रानीपुखुनिसें दशरथ रङ्गशालातकयात दुथ्याकाः गुरुयोजनाया  प्रस्ताव तयार यागु खः। गुकिइ शुरुया चरणय् घण्टाघरपाखें दुगु त्रिचन्द्र कलेजया भवनयात प्रवलीकरण याना गथे खः अथे हे  दयेकिगु, अनंलिपा घण्टाघर ल्यूने च्वगु खाली जग्गा व जमलय् दुगु जग्गाय् त्रिचन्द्र कलेजया लागि भवन पुनर्निर्माण यायेगु प्रस्ताव यानागु धकाः प्राधिकरणया प्रमुख कार्यकारी अधिकृत सुशील ज्ञवालीं धयादिल । वयकया कथं राष्ट्रिय पुनर्निर्माण प्राधिकरणं घण्टाघरपाखें दुगुे भवनया प्रवलीकरणया लागि थगुने विस्तृत परियोजना प्रस्ताव व इञ्जिनीयरिङ डिजाइन क्वचागु व  चालू आर्थिक वर्षय् नेपाल सरकारया स्रोतं  १० करोड बजेटया व्यवस्थापन याना बोलपत्र पिकया न्ह्यावनेत तयारी यागु खः ।

राष्ट्रिय पुनर्निर्माण प्राधिकरण योजना महाशाखायाा उपसचिव भगवान अर्यालया कथं घण्टाघर ल्यूनेया जग्गा व जमलय् दुगु जग्गाय् त्रिचन्द्र कलेजया भवन पुनर्निर्माणया लागि भारतीय एक्जिम बैंकया ग्वाहालि अन्तर्गत निगू अर्बया प्रस्ताव छ्वगु खः ।

प्रमुख अधिकृत ज्ञवालीं त्रिभुवन विश्वविद्यालय, त्रिचन्द्र कलेजया प्रमुख, प्राध्यापक, विद्यार्थी सङ्घसङ्गठनया पदाधिकारीलिसें थीथी चरणया सहलह व परामर्शलिपा गुरुयोजनाया कार्यान्वयनया लागि जमलय् दुगु जग्गाय् कलेजया भवन दयेकेगु प्रस्ताव यानागु धयादिल ।

नेपाःया हे दकले थकालिगु कलेजया रुपय् दुगु त्रिचन्द्र कलेजया आपाथें भवन जीर्ण जुगु दु। कलेजय् झिद्धो ति ब्वमित ब्वनाच्वगु दु।