खुया अमेरिका थ्यंकूगु यलया उमामहेश्वर मूर्ति नेपाःयात लितबिल

खुया अमेरिका थ्यंकूगु यलया उमामहेश्वर मूर्ति नेपाःयात लितबिल


भदौ २९ - अमेरिकां नेपालं छगू इलय् तनाः अन थ्यगु उमामहेश्वरया मूर्ति नेपाःयात लःल्हागु दु। कोलोराडोया डेनवरय् जूगु ज्याझ्वलय् डेनवर आर्ट म्यूजियमया अधिकारीइ अमेरिकाया लागि नेपाली राजदूत डा यूवराज खतिवडायात उमामहेश्वरया मूर्ति लःल्हानादीगु खः।

नेपाःया यलया ऐतिहासिक उमामहेश्वरया मूर्ति डेनवर आर्ट म्यूजियमय् १९७१ निसें  प्रदर्शनय् तयातःगु खः। राजदूत डा खतिवडां  संग्रहालयया अधिकारीतय्त नेपालं खुयां यंका अमेरिका थ्यंकूगू मूर्ति लितब्यूगुलिं सुभाय् देछानादिल।

मूर्ति लःल्हायेगु ज्याझ्वलय् डेनवर आर्ट म्यूजियमया अधिकारीत लिसें नेपाली दूतावासया द्वितीय सचिव उत्तम घिमिरे, तृतिय सचिव राधरमण दुबे लगायतया नं उपस्थिति दुगु खः।