लकडाउनयात कया विश्व स्वास्थ्य संगठनया रणनीति

लकडाउनयात कया विश्व स्वास्थ्य संगठनया रणनीति


बैशाख ४ - विश्व स्वास्थ्य संगठनं(डब्ल्यूएचओ) कोरोना भाइरस रोग संक्रमण नियन्त्रणया लागि म्होति नं निवाः लकडाउन यायेमाःगु व अनलिपाया दिनय् अवस्था स्वयाः  चरणवद्ध रुपय् कम याना यंकेफइ धकाः धागु दु ।  संक्रमण नियन्त्रणया लागि यक्व देशय् लकडाउन जुयाच्वगु अवस्थाय् डब्ल्यूएचओं संक्रमणया गति ,मापन व अवस्था स्वयाः लकडाउन कम यायेफुगु रणनीति दयेकुगु खः । डब्ल्यूएचओया कथं  कार्य क्षेत्र, शैक्षिक संस्था, समाजिक गतिविधि लगायतय् अवस्था स्वयाः प्रतिवन्ध कम याये फइ ।

प्रतिवन्धयात चिकेबलय् बुलुहँ चरणवद्ध रुपय् छगु छगु याना चिकेमागु व  असरया मुल्यांकन याना लकडाउन कम यायेमागु धकाः डब्ल्यूएचओं न्ह्यथगु दु । थ्वनापं प्रत्येक देशं जनस्वास्थ्ययात बिचा याना संक्रमण फैले जुइगुपाखें  पनेत ध्यान बिइत न डब्ल्यूएचओं अपिल यागु दु । छु छु देयत लकडाउनया कारण तसकं प्रभावित जुइधुक्कुगुलिइ जनजीवन सामान्य अवस्थापाखें उन्मुख याकेत लकडाउन कम यायेत तयारी यासेलिइ डब्ल्यूएचओं फुक्क देय छगु हे रणनीतिपाखें न्ह्यावनेत रणनीति दयेकुगु खः । यूरोपियन राष्ट्रतयसं बुलुहँ बुलुहँ लकडाउन क्वपाःला वनाच्वगु दु ।