चीनया कोरोना खोपयात डब्लूएचओं नं अनुमति बिल

चीनया कोरोना खोपयात डब्लूएचओं नं अनुमति बिल


असोज ११ - विश्व स्वास्थ्य संगठनं (डब्लूएचओ) चिनयात कोरोना विरुद्धया खोप सर्वसाधfरणयात बिइत अनुमति ब्यूगु दु।

खोपया स्वःगूगू चरणया परीक्षण यानाच्वंगु चीनं कोरोना विरुद्धया खोप आकस्मिक प्रयोजनया लागि सर्वसाधारणयात बिइत डब्लूएचओपाखें अनुमति काःगु चिनियाँ अधिकारीतयसं जानकारी ब्यूगु साउथ चाइना मार्निङ पोष्टं धागु दु। 

चीनं स्वःगूगू चरणय् ५ गू भ्याक्सिन परीक्षण यानाच्वंगु धागु दु। सरकारं सञ्चालन याःगु कम्पनी सिमोफोर्मं उगु खोप विकास याःगु खः। चिनियाँ राष्ट्रिय स्वास्थ्य आयोग प्रमुख झेङ झोङग्वेइं आकस्मिक प्रयोगया लागि डब्ल्युएचओं कोरोनाया खोप बिइत अनुमति ब्यूगु जानकारी बियादिल।

वयकलं जुनया बिचय् हे उच्च जोखिमय् लाःगु पुचयात खोप बिइत डब्लूएचओयात प्रस्ताव यानागु धयादिल। वयकयात कथं स्वास्थ्यकर्मी, सिमा अधिकारीलिसें इन्जिनियरतयत खोप बिइ।

उखे, रुसं धासाः थम्ह हे सर्वसाधारणया लागि कोरोना विरुद्धया खोप बियाच्वंगु दु।