उपचारय् गम्भीर लापरवाही याःगु धासें भक्तपुर इन्टरनेसनल अस्पतालयात कारवाहीया तयारी

उपचारय् गम्भीर लापरवाही याःगु धासें भक्तपुर इन्टरनेसनल अस्पतालयात कारवाहीया तयारी


बैशाख २५ - भक्तपुर इन्टरनेसनल अस्पतालया गम्भीर लापरबाहीया कारण २ म्ह कोरोना संक्रमित सिगु धासें जिल्ला प्रशासन ज्याकु ख्वपं कारबाही याइगु जूगु दु ।

मध्यपुर थिमि नगरपालिका–३ कौशलटारय् दुगु अस्पतालयात कारबाही यायेत तयारी जूगु ख्वपया सहायक प्रमुख जिल्ला अधिकारी मुकेशकुमार केशरीइ धयादिल । वय्कया कथं अस्पतालयात कन्हय् स्पष्टीकरण काइगु व वहे कथं कारबाही यायेत तयारी जुयाच्वंगु दु।

शुक्रबाः पीडित व अस्पताल व्यवस्थापन पक्षदथुइ सहलह जुगुलिं कारबाही प्रक्रिया न्ह्याके मफुगु सहायक प्रजिअ केशरीइ धयादिल। १५ शैयाया स्वीकृति कागु अस्पतालं क्षमतासिबें निदुगनं बिरामी भर्ना काःगु व इलय् अक्सिजनया व्यवस्था यायेमफुगुलिं बिहिबाः अस्पतालय् वासः याकाच्वपिं २ म्ह कोरोना संक्रमित सिगु खः।

ख्वप कमलविनायकया ४५ दँ व पोखरा स्थायी छेँय् जुम्ह ६० दँ यानाः निम्ह मिजंपिं सिगु खः ।