विषाक्त रसायन लुसेलिइ थप ९ गू स्यानिटाइजरय् प्रतिबन्ध

विषाक्त रसायन लुसेलिइ थप ९ गू स्यानिटाइजरय्  प्रतिबन्ध


असोज १२ - औषधि व्यवस्थ विभागं विषाक्त रसायन मिथानेल मिश्रित थप ९ गू स्यानिटाइजरय् प्रतिबन्ध तःगु दु। 

विभागं राष्ट्रिय औषधि प्रयोगशालाय् परीक्षण याःबलय् क्वःछिनातगु मापदण्ड ‘इन्स्ट्यान्ट ह्याण्ड स्यानिटाइजरसम्बन्धी स्तर २०७६’ विपरीत विषाक्त रसायन तयातगु व मापदण्ड विपरितया समिश्रण लुगुलिइ मानव स्वास्थ्यय् गम्भीर नकारात्मक असर लाइगुलिइ थप ९ गू स्यानिटाइजरय् प्रतिबन्ध तःगु खः। 

विभागं थज्याःगु स्यानिटाइजरया उत्पादन व बिक्री वितरण याकनं मयायेत नं फुक्कं सरोकारवालातयत धागु दु। थ्वया न्हय् नं विभागं ९ गू स्यानिटाइजरय् प्रतिबन्ध तयेधुक्कुगु दु।