कतार एयरवेजया जहाजमार्फत नेपालय् दुपिं अमेरिकी नागरिकया उद्दार

कतार एयरवेजया जहाजमार्फत नेपालय् दुपिं अमेरिकी नागरिकया उद्दार


चैत १८ - नेपालय् च्वगु अमेरिकी दुतावासं नेपाःया थीथी ठासय् अलपत्र जुयाच्वंपि थः नागरिकतयत स्वदेश लितयंकुगु दु । सरकारं कोरोना भाइरसया संक्रमण फैले जुइके मबिइत  लकडाउन लागू यासेलिइ थीथी ठासय् अलपत्र जुयाच्वपिं थः नागरिकयात विमान चार्टर याना  स्वदेश लितयंकुगु खः ।

पोखरा, मुस्ताङ वर लाङ्गटाङ्गय् लानाच्वंपिं छु छु अमेरिकी नागरिकतयत आन्तरिक उडानं येँय् हयाः विवरण संकलन याना लितयंकुगु खः । थथे लिहाँवपिं मध्ये कुटनीतिक नियोगया छु छु प्रतिनिधित न दुगु खः । कतार एअरवेजया विमान चार्टर याना अमेरिकी नागरिक, नेपाली मूलया अमेरिकी नागरिकत याना ३०० म्हःसित  स्वदेश यंकागु धकाः नेपाःया लागि अमेरिकी राजदूत र्यान्डी बेरीं धयादिल  ।स्वदेश लितयंकेत  नेपालय् च्वंगु अमेरिकी दूताासं यागु कुतप्रति अमेरिकनतयसं लसता प्वकुगु दु ।

थ्वया न्ह्यः युरोपेली संघया संयोजनय् न  नेपालय् दुपिं युरोपेली देयया नागरिकतयत उद्दार याना स्वदेश छ्वगु खः।