येँय् बरामद म्हासुगु धातुमध्ये आधा किलो जक लुँ

येँय् बरामद  म्हासुगु धातुमध्ये आधा किलो जक लुँ


साउन १३ - प्रहरीें मंगलबाः येँय् नं आधा किलो लुँ व साढे १४ किलो वहँ बरामद याःगु दु।

येँया  कमलादीं लुँ धकाः बरामद याःगु १५ किलो म्हासुगु धातुमध्ये आधा किलो जक लुँ जुगु महानगरिय प्रहरी परिसरं पत्रकार सम्मेलन याना जानकारी ब्युगु खः। कमलादीइ दुगु कृष्ण पाउरोटी चोकय् सवारी जाँचया झवलय् बा.६च ५५१९ ल्याःया स्कारपियो गाडी दिकेत स्वगु इलय् गाडी मदिकुसें गाडीइ दुम्ह मनू म्हिचा वान्छवया बिस्यू वगु खः। म्हिचाय्  प्रहरीें १५ किलो लुँ थे खनेदुगु धातु व निगू पेस्तोल बरामद यागु खः । पेस्तोललिसें निगू म्याग्जिन नं बरामद यागु दु ।

लुँ धकाः बरामद यागु उगु म्हासुगु धातु साढे १४ किलो नक्कली लुँ जुगु प्रहरीं धागु दु । १५ किलोमध्ये ५०० ग्राम लुँ व साढे १४ किलो वहँलय् लुँ सियातगु लुगु महानगरीय प्रहरी परिसर येँया एसएसपी श्यामलाल ज्ञवालीं जानकारी बियादिल । 

प्रहरीं  १ केजी च्वयातगु ८ थान, २५० ग्राम च्वयातगु २६ थान  व ५०० ग्राम च्वयातगु १ थान म्हासुगु धातु बरामद यागु खसाः बरामद यागु पेस्तोलय म्यागजिन दुसाः नं गोली धासाः मदुगु प्रहरीं धागु दु।