मंगलबाः लुपिं येँया स्वम्ह संक्रमितमध्ये  छम्ह गोकर्णेश्वर नगरपालिकाया

मंगलबाः लुपिं येँया स्वम्ह संक्रमितमध्ये  छम्ह गोकर्णेश्वर नगरपालिकाया


जेठ ७ - येँय् मंगलबाः लुपिं स्वम्ह कोरोना संक्रमितमध्ये  छम्ह गोकर्णेश्वर नगरपालिका–४ या जुगु सिइदुगु दु।

भैरहवां तरकारी तयाहगु गाडीइ च्वना येँय् वम्ह वयकयात राष्ट्रिय जनस्वास्थ्य प्रयोगशालाय् परीक्षण याःबलय् कोरोना संक्रमण पुष्टि जुगु खः।

गोकर्णेश्वर नगरपालिकां पिने जिल्लां वपिं मनूत माःबलय् वयकयात लुइकाः परीक्षण याके  छ्वगु खः। वयकया स्थायी छेँय् गोकर्णेश्वर नगरपालिका-४ माइती नेपाल त्वाःया जुसाः नं वयक लकडाउनया इलय् भैरहवा झागु खः। 

वयकयात नगरपालिकाया एम्बुलेन्सय् तया सुथय् पाटन अस्पतालया आइसोलेसन वार्डय् यंकुगु धकाः गोकर्णेश्वर नगरपालिकाया प्रवक्ता मनोज ढुंगानां धयादिगु दु । 

बुधबाः सुथिनसें वयक च्वनाच्वगु त्वाःलय् सिल यागु दु ।