ख्वपया गठ्ठाघरय् टिपर व माेटरसाइकल न्यात, छम्ह सित

ख्वपया गठ्ठाघरय् टिपर व माेटरसाइकल न्यात, छम्ह सित


बैशाख ९ - ख्वपया गठ्ठाघरय् टिपर व मोटरसाइकल न्यानाः छम्ह सिगु दु। दुर्घटनाय् मेम्ह छम्ह घाःपा जूगु दु।

बुधवाः बहनी ९ः१५ तापाखें बा ३ ख ४४६५ ल्याःया टिपर व मेखें वयाच्वंगु रा २ प ४४३७ ल्याःया मोटरसाइकल न्यानाः मोटरसाइकलया ल्यूने च्वंम्ह कैलालीया धनगढीया ४३ दँया पद्मराज पाठक सिगु खः। पाठक वासःया झ्वलय् बुधवाः चान्हय् मध्यपुर अस्पताल थिमिइ सिगु प्रहरीइ धागु दु।

दुर्घटनाय् लानाः मोटरसाइकल चालक दाङया २५ दँया उमेश चौधरी घाःपा जूगु व वासः  बाँसबारीइ दुगु न्युरो अस्पतालय् जुयाच्वंगु प्रहरीइ धागु दु।

टिपर चालकयात प्रहरीइ ज्वंगु दु ।