थुकथं ख्वपया बिस्काः जात्रा थनिनिसें शुरू जुल

यसिं थनिगु परम्परां निरन्तरता काइगु

थुकथं ख्वपया बिस्काः जात्रा थनिनिसें शुरू जुल


चैत २७ - ख्वपय् थनिनिसें बिस्काः जात्रां औपचारिक रुपय्  निरन्तरता कागु दु । कोरोना भाइरसया कारणं थुगुसिया बिस्का जात्रां औपचारिक रुपं जक जुसाः न सांस्कृति व  परम्परां धासाः निरन्तरता कागु खः। थाै  रथया पूजा याना  जात्राया सुरुवात यागु खसाः थीथी गुठितयसं न भैलद्यःया देगलय् पूजा यागु खः ।

थुगुसिइ बिस्काः जात्राया रथ धासाः सालिमखुसाः यसिं थनिगु परम्परां धासाः निरन्तरता काइगु जुगु दु । वइगु ३० गते भेलुखेलय् रथ साला थ्यकेधुक्का यसिं थनिगु व वया कन्हय् खुन्हू खाइ, सन्हू खुन्हू पूजा याना सनिलय् यसि क्वथलिगु परम्परा दु ।

तर थुगुसिइ धासाः भेलुखेलय् सिया ५५ ल्हाः ताहाकगु यसि मथसे  साँस्कृतिक परम्परायात निरन्तरता बिया यसिंया प्रर्तिमूर्ती कथं लुँया यसिं थनेत तयारी जुगु धकाः गुठी संस्थान ख्वपःया  प्रमुख आनन्द कर्मचार्यं धयादिल । जात्राया चहल पहललिसें मनूत म्वः म्व जुइगु थाैया दिं खुन्हू ख्वप सुनसान जुयाच्वगु दु ।