ख्वपय् थप जुम्ह धयातम्ह संक्रमित ख्वपया बासी मखुः एसपी तारादेवी थापा

ख्वपय् थप जुम्ह धयातम्ह संक्रमित ख्वपया बासी मखुः एसपी तारादेवी थापा


असार ११ - बुधवाः ख्वपय् थप जुम्ह धयातम्ह कोरोना संक्रमित ख्वपःबासी मजुगु सीइदुगु दु। बुधवाः स्वास्थ्य तथा जनसंख्या मन्त्रालयं नियमित कोरोना ब्रिफिंग ज्याझ्वलय् ख्वपय् छम्ह नाप ६२९ म्ह न्हूपिं संक्रमित लुगु धागु खः।

ख्वपया प्रहरी प्रमुख एसपी तारादेवी थापां ख्वपया संक्रमित धयातम्ह ख्वपःबासी मजुगु पुष्टि यानादिगु दु। वयकया कथं  उम्ह संक्रमितं ठेगाना ख्वप जुसाः न येँय् च्वनिम्ह खः धकाः धयादिल।

एसपी थापाया कथं ख्वपया संक्रमित धासाः वयक ख्वपय् च्वनाच्वगु मदु। ख्वप जन्मस्थान दुसाः न वयकयेँय् च्वनाच्वगु धकाः एसपी थापां धयादिल। वयक संक्रमित छुं दिं न्हय् विदेशं लिहाँवया येँया छगू क्वारेन्टिनय् च्वनाच्वंगु व अन परीक्षण याबलय् कोरोना संक्रमण खनेदुगु खः।

थ्वया न्हय् न असार ६ गते ख्वपय् ७ म्हसिके संक्रमण लुगु धकाः स्वास्थ्य तथा जनसंख्या मन्त्रालयं जानकारी ब्यूगु खः। इपिं फुक्कं नं ख्वपया बासी मजुसें विदेशं लिहाँवया ख्वपया क्वारेन्टिनय् च्वना स्वाब जाँचया लागि छ्वपिं स्वनिगःपिनेया  मनूत जुगु सिइदुगु खः।