मचा बुम्ह सीसेलिइ कोरोनाया आशँकाय् बन्द जुगु ख्वप अस्पताल थनिनिसें संचालनय्

मचा बुम्ह सीसेलिइ कोरोनाया आशँकाय् बन्द जुगु ख्वप अस्पताल थनिनिसें संचालनय्


जेठ २८ - मचा बुम्ह सीसेलिइ कोरोना संक्रमणया आशँकाय् बन्द याःगु ख्वप अस्पताल थनिनिसें संचालनय् वइगु जुगु दु।

सीम्ह मिसायाःगु पीसीआर रिपोर्ट नेगेटिभ वसेलिइ अस्पतालयात निर्मलीकरण याना थनिनिसें सेवा शुरु यायेगु धकाः अस्पतालं धागु दु। प्रसुतीकक्ष धासाः ७२ घौ लिपाजक संचालनय् हयेत तयारी जुगु दु। सिन्धुपाल्चोक लिसङ्खुपाखर गाउँपालिका–३ छेँय् जुया चाँगुनारायण नगरपालिका–३ झौखेल च्वनिम्ह ३६ दँया सन्तमाया लामा सोमबाः चान्हय् मचा बुया छुं ई दुने मदुगु खः।

कोरोनालिसें ज्वःलागु लक्षण खनेदुगु व आरडीटी प्रतिवेदन नं पोजेटिभ वगुलिइ अस्पताल बन्द याःगु खः। तर पीसीआर रिपोर्ट नेगेटिभ वसेलिइ अस्पतालयात निर्मलीकरण याना चायेकेत्यनागु धकाः अस्पतालया मेडिकल सुपरिटेन्डेन्ट डाक्टर सुमित्रा गौतमं धयादिल।

सीम्हसिया  जहान व मचाबाहेक मेपिं थथिति थन मदुगु व  इमिगु आर्थिक अवस्था नं तसकं कमजोर जुगुलिइ दाहसंस्कारया व्यवस्था प्रशासन थम्ह यानागु धकाः धागु दु। सीम्हसियां जहान व मचायात क्वरेण्टीनय् तयातगु दु।