लाखामरी थिकेकं मिउगु भाटभटेनीयात ३ लख तका जरिबाना

लाखामरी थिकेकं मिउगु भाटभटेनीयात ३ लख तका जरिबाना


बैशाख १५ - वाणिज्य, आपूर्ती तथा उपभोक्ता संरक्षण विभागं भाटभटेनी मार्केट टङ्गालयात ३,००,००० तका जरिबाना पुइकुगु दु । अप्व धिबाः कया  सामान मिउगु उजुरीया आधारय्  सोमबाः अनुगमन याःबलय् अप्व धिबाः कया मियाच्वंगु लुगुलिइ स्तीवगू लख तका जरिबाना पुइकाःगु धकाः विभागया अनुगमन शाखाया निर्देशक सागर मिश्रं धयादिल । भाटभटेनीं १२० तका तुगू लाखामरीयात २२० तका मियाच्वंगु लुगु खः ।अथेहे विभागं सोमबाः हे मेगू स्वगू स्टोरयात ३,५०,००० तका जरिबाना याःगु दु ।

अमरावती खाद्य भण्डार कपनयात २,००,०००, एमवीटी खाद्य सप्लायर्स कपनयात १,००,००० व जीएन स्टोर कपनयात ५०,००० तका जरिबाना पुइकाःगु धकाः विभागं धागु दु । इमिसं अप्व धिबाः कया सामान मिउगु, भाःधलः मतगु थज्यागु कसुर याःगु धकाः विभागं धागु दु।