परम्परायात निरन्तरता बिइगु कथं यलय् ब्वगी वनेगु सुरु

परम्परायात निरन्तरता बिइगु कथं यलय् ब्वगी वनेगु सुरु
न्येकू (यल संग्रहालय) / किपा: @krmaharjan


साउन ६ - परम्परायात निरन्तरता बिइगु कथं यलय् थौं सुथंनिसें ब्वगी वनेगु सुरु जुगु दु।

दँयदँसं गुंलाथ्व पारू क्यनेवं सुथन्हापनं दना: मतया: न्ह्याइगु रूटय् परम्परागत बाजं लिसे न्येकू पुया: ब्वगी वनेगु या:।

तर कोरोना भाइरसया संक्रमणया जोखिमया कारणं थुगुसिइ परम्परायात निरन्तरता बिइगु कथं  बाजं मतसें मजिमगाःगु १०, १२ म्हसियां पुच जक वना ब्वगी संचालन जुगु दु। थौं ओकुबहालं  शुरू जुगु ब्वगी सिबहालय् क्वचागु स्थानीय जुजुभाइ शाक्यं धयादिल। हन्चा चान्हय् निता: ईपाखे हे थुगुसीया मतया: ग्वसा:त्वा: ओकुबहालय् मुना: सिबहालं ब्वगी सुरु जुइगु शाक्यं जानकारी बियादिल।  

सुथन्हापनं बोधिचर्यागीत हाला: थीथी बौद्ध देग: चिभा: पुजा या:वनेगु जुया: ब्वगी धयात:गु जनविश्वास दु।