बुद्ध जयन्तीया पूर्वनिर्धारित फुक्कं औपचारिक ज्याझ्वः  स्थगित

बुद्ध जयन्तीया पूर्वनिर्धारित फुक्कं औपचारिक ज्याझ्वः  स्थगित


बैशाख १८ -  कोभिड १९ या संक्रमणया कारण देशय् लकडाउन जुयाच्वंगु कारणं २५६४ क्वःगू  बुद्ध जयन्ती लिसें स्वकःगू अन्तराष्ट्रिय बौद्ध सम्मेलनया झ्वलय् जुइ धयातःगु पूर्वनिर्धारित फुक्कं औपचारिक ज्याझ्वः  स्थगित जुगु दु । लुम्बिनी विकास कोषं वइगु बैशाख २५ गते नेपाल सरकारलिसें कोषपाखें जुइ धयातःगु पूर्वनिर्धारित फुक्कं ज्याझ्वः स्थगित जुगु जानकारी बिउगु खः । बैशाख २५ गते नेपाल सरकारपाखें  कोभिड १९ रोकथाम तथा नियन्त्रणया लागि जारी निर्देशन कथं सामाजिक दूरी कायम याना बौद्ध भिक्षु/भिक्षुणी लिसें  लामा गुरु/गुरुमापाखें विश्व शान्तीया कामना याना प्रार्थना व पूजा जक जुइ धकाः कोषं धागु दु। अथहे गौतमबुद्धया २५६४ क्वःगू  जन्मजयन्तीया झ्वलय् २५६४ गू  दीप प्रज्वलन याइगु जुगु दु। 

थ्वया न्हयः संस्कृति, पर्यटन तथा नागरिक उड्डयन मन्त्रालयं बुद्ध जयन्ती लिसें स्वकःगू अन्तराष्ट्रिय बौद्ध सम्मेलनया लागि  तयारी याःगु खः । थुकिया लागि मन्त्री योगेश भट्टराईया अध्यक्षताय् आयोजक समिति व सचिवालय स्थापना याना ज्या यानाच्वंगु खः।

थ्व नं ब्वनादिसः

यलय् बुध्द जयन्ती खुन्हु नगर परिक्रमा लिसें  शान्ति पदयात्रा नापं ज्ञानमाला भजन मजुइगु