स्वयम्भूया बुद्ध स्तूप मथुनिगु जुल

स्वयम्भूया बुद्ध स्तूप मथुनिगु जुल


मंसिर २५ - भौतिक पूर्वाधार तथा यातायातमन्त्री वसन्तकुमार नेम्वाङं चक्रपथ विस्तारया झ्वलय् स्वयम्भूइ च्वंगु बुद्धया द्वोछि  मूर्तिया स्तूप मथुनेगु धयादिगु दु ।

स्वयम्भू विश्व सम्पदा क्षेत्र बचाऔं अभियानया ज्ञापनपत्र कासें वयकलं सडक विभागया डिजाइन, निर्माण मापदण्ड, पुरातत्त्व विभाग व युनेस्कोया प्रावधानया परिधिइ च्वना द्वोछि मूर्तिया स्तूप जोगे यायेगु धकाः स्पष्ट यानादिगु खः। प्राविधिक रूपय् सम्भव जूतलें स्वयम्भू लागाया मेमेगु सम्पदा नं जोगे यायेगु धकाः वयकलं धयादिल।

सरकारया प्रतिबद्धतालिसें स्वयम्भू विश्व सम्पदा क्षेत्र बचाऔं अभियानं घोषणा याःगु चरणबद्ध आन्दोलनया फुक्कं ज्याझ्वः लितकागु अभियान कजि आचार्य नुर्बु शेर्पां धयादिल।