संघीय संसदय् बजेट प्रस्तुत (पूर्णपाठलिसें भिडियो)

संघीय संसदय् बजेट प्रस्तुत (पूर्णपाठलिसें भिडियो)


जेठ १५ - सरकारं वइगु आर्थिक वर्ष २०७७/७८ या बजेट संघीय संसदय् प्रस्तुत याःगु दु।

अर्थमन्त्री डा युवराज खतिवडां संघीय संसदय् वइगु आर्थिक वर्ष २०७७/७८ या बजेट प्रस्तुत यानादिगु खः। बिहीबाः बजेट प्रस्तुत यासें वयकलं समग्र आर्थिक सूचकत सकारात्मक जुगु दाबी यानादिगु दु ।  खतिवडां फागुनतक आर्थिक सूचकत सकारात्मक जुगु धासें कोरोना संक्रमणया कारण आ चुनौती अप्वगु धयादिल । वयकलं  विदेशी मुद्रा सञ्चिती ११ खर्ब ५६ अर्ब तका थ्यगु धयादिल । अथेहे निर्यात १२.९ प्रतिशतं थहाावगु धासें डा खतिवडाें आयात पाः जुगु न्हयथनादिल ।

चालु आर्थिक वर्षय् लगानी बोर्ड मार्फत १४ खर्ब ३५ अर्ब तकाया लगानी प्रतिवद्धता प्राप्त जुगु अर्थमन्त्रीइ धयादिल । बिमाय् पहुँच थ्यपिनिगु ल्याः ५६ लखं थहाँवना ७० लख थ्यगु वयकलं धयादिल । सामाजिक व आर्थिक क्षेत्रया प्रगति उत्साहजनक जुगु धासें खतिवडां  विद्यालय भर्नादर थहाँवगु धयादिल ।  कुल ग्राहस्थ उत्पादनया अनुमानय् कुल लगानी ५० प्रतिशतया ल्याखँय् दुगु वयकलं धयादिल । नेपालीया जीवन बचे यायेगु, अर्थतन्त्रय्  आशा क्यनिगु व समृद्धिपाखें केन्द्रित जुइगु अर्थमन्त्री खतिवडाया धापू दु।

अथेहे सरकारं स्वनिगलय् ३०० शैय्याया सरुवारोग अस्पताल दयेकिगु जुगु दु । बजेट प्रस्तुत यासें वयकलं थथे घोषणा यानादिगु दु। अथेहे वयकलं फुक्कं प्रदेशय् २०० शैय्याया अस्पताल दयेकेगु धयादिल ।   स्वास्थ्य सेवाय् खटे जुपिं स्वास्थ्यकर्मीतयत उत्प्रेरित यायेत प्रोत्साहन भत्ता बिइगु घोषणा न अर्थमन्त्री खतिवडां यानादिल। वयकलं  स्वास्थ्यकर्मीयात न्यागू लख तकाया निशुल्क स्वास्थ्य बिमा यायेगु धयादिल ।   प्रदेश राजधानी पतिकं सरुवारोग अस्पताल दयेकेगु घोषणा यार्सें सरकारं प्रत्येक स्थानीय तहलय् १५ बेडतकया अस्पताल निर्माणया लागि बजेट विनियोजन जुगु वयकलं धयादिल ।   मन्त्री खतिवडां कोरोना भाइरसलगायत संक्रामक ल्वय् वमेमेगु ल्वयलिसें ल्वाना जनजीवन सामान्य अवस्थाय् थ्यकेगु उद्देश्य दुगु धयादिल । वयकलं स्वास्थ्य जोखिमपाखें सुरक्षित जुइत स्वास्थ्य क्षेत्रया दायरा विस्तार यायेगु, जनशक्ति विस्तार यायेगु, संक्रमण रोकथाम नियन्त्रणया लागि न्ह्याकुगु कदम थकायेगु उद्देश्य सरकारया जुगु प्रष्ट यानादिल । सरकारं स्वास्थ्य तथा जनसंख्या मन्त्रालययात बजेट ९० अर्ब ६९ करोड तक फ्यागु दु ।

सरकारं थुगुसिया बजेटय् कृषि, रोजगारी व उत्पादनयात प्राथमिकताय् तयाः बजेट तयार याःगु खः । संवैधानिक व्यवस्था कथं दँय् दँस जेठ १५ गते न्हूगु आर्थिक वर्षया बजेट प्रस्तुत याइगु प्रावधान कथं थाैं बजेट प्रस्तुत याःगु खः।

अर्थमन्त्रीं संसदय् प्रस्तुत यानादिगु बजेटया भिडियो