बुढानीलकण्ठ संक्रमितः निजी एम्बुलेन्स सञ्चालक

बुढानीलकण्ठ संक्रमितः निजी एम्बुलेन्स सञ्चालक


जेठ १२ - बुढानीलकण्ठ नगरपालिकाय् लुम्ह कोरोना भाइरस संक्रमित मिज ‘निजी एम्बुलेन्स’ सञ्चालक जुगु सिइदुगु दु ।

नगरपालिकाया मेयर उद्धव प्रसाद खरेलया कथं वयक थःगु निजी गाडीयात एम्बुलेन्सया रुपय् प्रयोग याना समस्या जुपिन्त अस्पताल यंकिम्ह खः । बूढानीलकण्ठ –३ स्थायी छेँय् जुम्ह ३७ दँया मिजंयाके कोरोना भाइरस संक्रमण पुष्टि जुगु स्वास्थ्य मन्त्रालय् सुथय् पितब्युगु विज्ञप्तिं न्ह्यथनातगु दु। कोरोना पुष्टिलिसें वयकयात शुक्रराज ट्रपिकल तथा सरुवारोग अस्पताल टेकुया आइसोलेशनय् तगु दु । 


थ्वया न्हय बूढानीलकण्ठय् छम्हसित  संक्रमण पुष्टी जुइधुक्कुगु दु । सर्लाहीया रामनगर स्थायी घर जुया थुथाय्  बूढानीलकण्ठ –१२ य् च्वगु तेञ्जिङ चोकय् च्वनावयाच्वंम्ह  १८ दँया छम्ह मिसायाके कोरोना भाइरस संक्रमण खनेदुगु खः । कोरोना पुष्टिलिपा तेञ्जिङ चोकयात स्वन्हू तक सिल याना वयक मयजुया सम्पर्कय् वपिं च्याम्हसिगु पिसिआर परीक्षण याःबलय् रिपोर्ट नेगेटिभ वगु नगरपालिका वडा ल्याः ३ या अध्यक्ष बालकृष्ण श्रेष्ठं धयादिल।