भुइजःसिइ एकादशी मेला मजुइगु

भुइजःसिइ एकादशी मेला मजुइगु


मंसिर ९ - दँय् दसं येँया भुइजःसि देगलय् कछलाथ्व एकादशी, हरिबोधनी एकादशी खुन्हू  जुइगु एकादशी मेला थुगुसिइ मजुइगु जुगु दु।

कोभिड –१९ या जोखिमया कारणं थुगुसिइ हरिबोधनी एकादशी खुन्हु जुइगु मेला पूर्ण बन्द याःगु खः। भुइजःसिइ कछलाथ्व एकादशीनिसें पून्हितक ५ न्हू विशेष मेला जुइगु खः। म्हिगःनिसें हे मङ्सिर १५ गतेतक देगः परिसर क्षेत्र बन्द याःगु देगःया स्वामी निगमानन्दं जानकारी बियादिल।

सङ्क्रमणया जोखिमयात बिचाः याना वइगु सोमबाःतक नित्य पूजा जक याना भक्तजनतयत दर्शन यायेत रोक तःगु खः। आषाढ शुक्ल पून्हि खुन्हू क्षीरसागरय् शयन याम्ह भगवान् विष्णु कार्तिक शुक्ल एकादशी अर्थात् हरिबोधनी एकादशी खुन्हू जागा जुइगु व चतुर्मासय् व्रत यासाः मनोकाङ्क्षा पूरा जुइगु धार्मिक विश्वास दु।