बुंगद्यःयात  साउन १० गते रथय् विज्याकिगु ज्या स्थगित

बुंगद्यःयात  साउन १० गते रथय् विज्याकिगु ज्या स्थगित


साउन ७ - यलया बुंगद्यःयात  वइगु साउन १० गते रथय् विज्याकिगु ज्या स्थगित जुगु दु।

गुथि संस्थान यलं बुंगद्यःयात  वइगु साउन १० गते रथय् विज्याकिगु धकाः सूचं जारी याना जानकारी ब्यूगुलिइ हाकन न्हिनय् साउन १० गते रथय् विज्याकेगु ज्या स्थगित जुगु जानकारी ब्यूगु खः। संस्थानं कोरोना भाइरसया जोखिमया कारण साउन १० गते रथय् विज्याकेगु ज्या स्थगित यानागु धासें ज्योतिषतपाखें हाकनं साइत कया मेगु दिनय् द्यःयात रथय् विज्याकेगु धकाः धागु दु। 

थ्वनापं कन्हय् निसें जुइ धयातःगु रथय् लुँस्वां, ध:मा स्वाइगु ज्या नं मजुइगु जुगु दु।

बुंगद्यःयात वंगु बैशाख १२ गते रथय् विज्याकेमागुलिइ कोरोना भाइरसया जोखिमया कारणं रथ दयेकेमफया दिनाच्वगु खसाः अनलिपां असार २४  गतेया साइत पिकागुलिइ सङ्क्रमणया जोखिम दनिगु धासें गुथि संस्थान यलं अबलें रथाराेहण स्थगित याःगु खःसा आः हाकनं स्थगित यागु खः।