बागमती प्रदेशय् मन्त्रिपरिषद् विस्तार, ६ मन्त्री व ४ राज्यमन्त्री थप

बागमती प्रदेशय् मन्त्रिपरिषद् विस्तार,  ६ मन्त्री व ४ राज्यमन्त्री थप


भदाै २३  -  बागमती प्रदेशया मन्त्रिपरिषद् विस्तार याःगु दु। मुख्यमन्त्री अष्टलक्ष्मी शाक्यं बुधबाः ६ मन्त्री व ४ राज्यमन्त्री नियुक्त यानाः मन्त्रिपरिषदयात पूर्णता बियादिगु खः।

नवनियुक्त मन्त्रीइ अजय क्रान्ति शाक्य (आन्तरिक मामिला तथा कानुन मन्त्रालय), रचना खड्का (आर्थिक मामिला तथा योजना मन्त्रालय), विजय सुवेदी (सामाजिक विकास मन्त्रालय), प्रदीपकुमार कटुवाल (स्वास्थ्य), शान्तिप्रसाद पौडेल (उद्योग, पर्यटन, वन तथा वातावरण मन्त्रालय), चन्द्र लामा (भूमि व्यवस्था, कृषि तथा सहकारी मन्त्रालय) दुथ्याः।

अथेहे नवनियुक्त राज्यमन्त्रीइ जुनेलीमाया श्रेष्ठ (स्वास्थ्य मन्त्रालय), जीवन खड्का (भौतिक पूर्वाधार तथा विकास मन्त्रालय), सरस्वती वाटी (उद्योग, पर्यटन, वन तथा वातावरण मन्त्रालय) व बद्री मैनाली (भूमि व्यवस्था, कृषि तथा सहकारी मन्त्रालय) दुथ्याः।

थ्वया न्हय् हे मन्त्री नियुक्त जुयादिम्ह केशवराज पाण्डें भौतिक पूर्वाधार तथा विकास मन्त्रालयया जिम्मेवारी कयाच्वनादिगु दु। नवनियुक्त मन्त्री व राज्यमन्त्रीतय्सं थ हे पद तथा गोपनीयताया शपथ कयादिगु दु।