भ्वँतया चण्डेश्वरी जात्रा थुगुसिइ मजुइगु

परम्परागत जात्रा यायेमफइगुलिइ क्षमा पुजा याइगु 

भ्वँतया चण्डेश्वरी जात्रा थुगुसिइ मजुइगु
CTTO: Facebook


बैशाख १५ - दँय् दंस बैशाख पून्हि खुन्हू भ्वँतय् जुइगु चण्डेश्वरी जात्रा थुगुसिइ मजुइगु जुगु दु ।

लकडाउन बैशाख २५ गते तक जुइगुलिसें मनूत म्वः म्वः जुइगु  जात्रा, महोत्सव थज्यागु ज्याभवः संचालन याये फइगु अवस्था मदुगुलिइ चण्डेश्वरी जात्रा स्थगित यायेगु निर्णय जुगु नगरपालिका प्रमुख लक्ष्मी नरसिं बादें धयादिल।

वयकलं परम्परागत जात्रा थुगुसिइ यायेमफइगु जुगुलिइ क्षमा पुजा यायेगु  निर्णय जुगु धयादिल ।

थुगुसिइ चण्डेश्वरी जात्रा वइगु बैशाख २५ व २६ गते लागु धका पात्रोय् न्ह्यथनातःगु दु।