चन्द्रागिरि नगरपालिकाया पुलां नेवाः बस्तीतय्त सांस्कृतिक संरक्षित लागा घोषणा याइगु

चन्द्रागिरि नगरपालिकाया  पुलां नेवाः बस्तीतय्त सांस्कृतिक संरक्षित लागा घोषणा याइगु


साउन ७ - येँया चन्द्रागिरि नगरपालिकां थःगु लागा दुनेया झिगुलिं मल्याक पुलां नेवाः बस्तीतय्त सांस्कृतिक संरक्षित लागा घोषणा याइगु जूगु दु।

नगरया बःखु, सतुंगः, सिंर, बोसीगां, मच्छेगां, मातातीर्थ, बालागां, किपुल्चा, थक्वाः, बलम्बु, यंकि दह थुज्वःगु पुलां नेवाः बस्तीतय्त सांस्कृतिक संरक्षित लागा घोषणा यायेगु नगरपालिकाया प्रवक्ता हरिभक्त महर्जनं धयादिल। उकिया निंतिं ऐन प्रतिवेदन तयार जुइधुंकूगु नं वय्कलं धयादिल।

अथे हे चन्द्रागिरि नगरपालिका दुनेया फुक्क ब्वनेकुथिइ नेपालभाषा ब्वंकेत व उकिया निंतिं पाठ्यक्रम दयेकेगु नं तयारी यानागु प्रवक्ता महर्जनया धापू दु।