जनबहाःद्यःया रथ दयेकेगु ज्या न्ह्यात

जनबहाःद्यःया रथ दयेकेगु ज्या न्ह्यात


चैत ३१ - येँया जनबहाःद्यःया रथ दयेकेगु ज्या न्ह्यागु दु। कोरोनापाखें बचे जुइत स्वास्थ्य सुरक्षाया मापदण्ड पूवंका  रथयात्रा यायेगु यानाः रथ दयेकेगु ज्या तीनधारा पाठशाला न्ह्यने न्ह्यागु खः।

जनबहाःद्यःया रथयात्राय् ब्वति काइपिन्सं अनिवार्य मास्क तयेमाःगु सेतो मच्छिन्द्रनाथ रथ व्यवस्थापन समितिइ धागु दु। थुकिया लागि येँय् महानगरपालिका स्वास्थ्य विभागलिसेंया सहकार्यय् सितिकं मास्क बिइगु व्यवस्था याःगु दु । कोरोना मपुनिगु कथं सतर्कता नालाः रथयात्रा यायेगु यानाः थीथी उपसमिति नं गठन याःगु दु।

वैशाख २ गते येँय् महानगरया मेयर विद्यासुन्दर शाक्यया उपस्थितिइ गुथि संस्थान, जनबहाःद्यःया पूजारी, रथयात्राया लँय् लाःगु सङ्घ संस्थाया प्रतिनिधि, हिन्दू व बौद्ध धर्मावलम्बी, संस्कृतिविद्लगायत सरोकार दुगु निकायया प्रतिनिधि तया समितिइ सहलह ज्याझ्वः यायेत्यगु कजि नीलकाजी शाक्यं धयादिल।

दँय् दँसं चउलाथ्व अष्टमीनिसें जनबहाःद्यःया रथयात्रा न्हयाइगु खः। थुगुसिइ वइगु बैशाख ७ गतेनिसें रथयात्रा न्ह्याइसाः असनय् द्यः थ्यनिखुन्हू बहनी राष्ट्रपतिइ द्यःया दर्शन याना प्रसाद ग्रहण याइगु परम्परा दु। थुकिया लागि राष्ट्रपति विद्यादेवी भण्डारीयात ब्वनेधुक्कुगु समितिइ धागु दु।

थगुने कोरोना महामारीया कारणं तगु लकडाउनं याना जनबहाःद्यःया रथयात्रा मजूगु खःसाः क्षमा पूजा जक जूगु खः।