स्वनिगःया नाकाय् प्रहरीपाखें चेकजाँच कडा

महानगरीय प्रहरी ज्याकु रानीपुखुया प्रमुख प्रहरी नायव महानिरीक्षक (डीआईजी) विश्वराज पोखरेलं ज्या मदयेकं स्वनिगः वइगु फुक्कं सवारीसाधनयात लितछ्वयागु धयादिल

स्वनिगःया नाकाय्  प्रहरीपाखें चेकजाँच कडा


बैैशाख २४ - वंगु चैत ११ गतेनिसें देयन्यंक लागू जुगु लकडाउन वइगु जेठ ५ गतेतक थप यायेगु सरकारया निर्णयलिसें प्रहरी सीमानाकाय् चेकजाँच कडा याःगु दु।

विशेष याना स्वनिगः दुहाँवइगु नाकाय् थप कडा याःगु खः। स्वनिगः दुहाँवइगु सवारीसाधन व मनूतयगु ल्याः अप्वसेलिइ नाकाय् कडा याःगु खः। नाकायात कडा यायेगु सरकारया निर्देशनयात कडा जुया पालना याकेगु धकाः प्रहरीं धागु दु।

महानगरीय प्रहरी ज्याकु रानीपुखुया प्रमुख प्रहरी नायव महानिरीक्षक (डीआईजी) विश्वराज पोखरेलं ज्या मदयेकं स्वनिगः वइगु फुक्कं सवारीसाधनयात लितछ्वयागु धयादिल। थीथी नाकाया निरिक्षण यायेगु झ्वलय् नागढुङ्गा थ्यकंझाम्ह वयकलं सरकारया निर्देशनयात कडा याना पालना यायेगु व पास दुगु गाडीयात न येँय् प्रवेशय् रोक तयागु धयादिल। वयकलं खाद्यान्नया सवारी साधानय् यात्रु दुसाः उकियात न लितछ्वयागु धयादिल।

थ्वया न्हयः बुधबाः सुथय् येँया प्रमुख जिल्ला अधिकारी जनकराज दाहाल, महानगरीय ट्राफिक प्रहरी महाशाखाया प्रमुख प्रहरी वरिष्ठ उपरीक्षक भिम प्रसाद ढकाल, नेपाल प्रहरी, नेपाली सेना व सशस्त्र प्रहरीया टोलीइ न स्वनिगलय् दुहाँँवइगु नाकात मुड्खु, नागढुङ्गा, सक्व, जगाती, भिमढुङ्गाया अनुगमन याःगु खः।

थ्व नं स्वयादिसः

स्वनिगःया नाकाय् जुयाच्वंगु चेकजाँच (भिडियो)