कोरोनाया कारणं बन्द सिनेमा हल थनिनिसें चालिगु

कोरोनाया कारणं बन्द सिनेमा हल थनिनिसें चालिगु


पुस १० - कोरोना संक्रमणया जोखिमया कारण वंगु चैतनिसें बन्द सिनेमा हल थनिनिसे चालेत्यगु दु।

व्यापार व्यवसाय, स्कुल, कलकारखाना, यातायात चासाः नं सिनेमा हल चायेकेत सरकारं च्यूता मक्यंगु धासें सञ्चालकतयसं हे थनिनिसें चायेकेत्यगु खः। थपिन्सं हे हल चायेकाः सरकारया ध्यानाकर्षण यायेत्यनागु धकाः नेपाल चलचित्र संघयाा अध्यक्ष मधुसुदन प्रधानं धयादिल। प्रधानया कथं विश्व स्वास्थ्य संघठन व नेपाल सरकारया निर्देशन लिसें स्वास्थ्य मापदण्ड कथं हे सिनेमा हल चालिइ । हलय् दुहाँवनेगु इलय् भिड जुइके मबिइगु, स्यानिटाइजरया प्रयोग याकेगु, माक्स मतसें  हलय् दुमछवयेगु व निम्ह दर्शक दथुइया सिट खाली तया सञ्चालन यायेत तयारी जुगु दु।

संघया निगरानीइ स्वास्थ्य मापदण्ड पालन जू मजू नं अनुगमन यायेगु प्रधानं धयादिल। फयाफतलें हलया पुरा टिकट मध्ये ५० प्रतिशत जक टिकट अनलाइनपाखें मिइगु, अनलाइन सेवा मदुसाः २ मिटरया दूरी कायम याना टिकट मिइगु, ज्वर नापे यायेगु यन्त्रया प्रयोग याना हलय्  दुतछ्वयेगु नं संघया अध्यक्ष प्रधानं धयादिल।