स्वनिगलय् दुहाँवइगु मुख्य नाकाय् नं लुत सङ्क्रमित

स्वनिगलय् दुहाँवइगु मुख्य नाकाय् नं लुत सङ्क्रमित


साउन १५ - स्वनिगलय् काेरोना भाइरसया जोखिम अप्वसेलिइ सरकारं थुथाय् मुख्य स्वगू नाकाय् कोरोना परीक्षणया लागि नमुना सङ्कलन यानाच्वंगु दु। स्वनिगलय् दुहाँवइगु मुख्य स्वगू नाका थानकोट, फर्पिङ, साँगाय्  नमुना सङ्कलन यानाच्वंगु खः। 

थुपिं नाकाय् आःतक ३,४०० म्हसिगु परीक्षण जुगुलिइ २४ म्हसिके कोरोना सङ्क्रमण पुष्टि  जुगु स्वास्थ्य तथा जनसङ्ख्या मन्त्रालयया प्रवक्ता डाक्टर जागेश्वर गौतमं धयादिल। स्वास्थ्य मन्त्रालयं नाकापाखें १० द्वःम्हसिगु स्वास्थ्य परीक्षण यायेत तयारी याःगु दु।

साँगापाखें २,४०९, फम्पिइ १,२८२ व थानकोटं ४,७१० याना ८,४०१ म्हसिगु नमुना सङ्कलन यायेधुक्कुगु  मन्त्रालयं धागु दु। नाकाय् नं सङ्क्रमति लुसेलिइ सरकारं नाका क्षेत्र थप क्वातुकेगु तयारी याःगु दु।