ख्वपया कोरोना केन्द्रबिन्दु थिमी

८६ म्ह संक्रमित सम्पर्कविहिन

ख्वपया कोरोना  केन्द्रबिन्दु थिमी


कार्तिक ४ - ख्वपय् कोरोना संक्रमणया केन्द्रबिन्दु मध्यपुर थिमी नगरपालिका जुगु दु।

जिल्लाया स्थानीय तहमध्ये दकलें न्हापां थःगु हे अस्पताल निर्माण याना सेवा बियाच्वंगु नगरपालिका जिल्लाय् कोरोना संक्रमणया केन्द्र जुगु खः । मध्यपुर थिमी नगरपालिकां थःगु हे खर्चय् कोरोना उपचारलिसें परीक्षण नं यानावयाच्वंगु दु । मध्यपुरय् मेगु स्थानीय तहलय् सिबे यक्व संक्रमित दुगु जिल्ला स्वास्थ्य ज्याकु ख्वपं धागु दु।

ज्याकुया कथं मध्यपुरय् आःतक १,६०६ म्ह कोरोना संक्रमित लुगु दु गुकिइ मध्ये ९१० मिजं व ६९६ म्ह मिसापिं दु । प्यगू नगरपालिका दुगु ख्वपया सूर्यविनायक नगरपालिकामा १,२४८, ख्वप नगरपालिकाय् १,१४४ व चाँगुनारायण नगरपालिकाय् ४४३ संक्रमित दु ।

ख्वपय् २,०९९ म्ह सक्रिय संक्रमित दुसा २,३७७ म्हसियां कोरोना त्याकेधुक्कुगु दु । ५१ म्ह कोरोनां सिइधुक्कुगु दुसाः आःतक ८६ म्ह संक्रमित सम्पर्कविहिन अवस्थाय् दुगु जिल्ला स्वास्थ्य ज्याकु ख्वपं धागु दु ।