यलय् ९१ नापं स्वनिगलय् ६४५ म्ह सङ्क्रमित थप

देयन्यकं १,३१३ म्हसिके काेराेना सङ्क्रमण, १४५५ म्ह डिस्चार्ज, ६ सित

यलय् ९१ नापं स्वनिगलय् ६४५ म्ह सङ्क्रमित थप


असोज ९ - लिपांगु २४ घाै दुने स्वनिगलय् ६४५ म्ह कोरोना भाइरसया सङ्क्रमित थप जुगु दु।

स्वास्थ्य तथा जनसङ्ख्या मन्त्रालयया कथं येँय् ५०३, यलय् ९१ व  ख्वपय् ५१ म्ह सङ्क्रमण पुष्टि जुगु खः। म्हिग येँय् ६०९, यलय् ९५ व  ख्वपय् ५१ म्हसिके याना स्वनिगलय् ७५५ म्हसिके कोरोना भाइरस पुष्टि जुगु खः।

थ्वहे दथुइ, शुक्रबाः नेपालय् कोरोना भाइरसया सङ्क्रमितया ल्याः ७०,६१४ म्ह थ्यगु दु। वंगु २४ घाै दुने १,३१३ म्हसिके कोरोना भाइरसया सङ्क्रमण पुष्टि जुगु मन्त्रालयं धागु दु।

वंगु २४ घाै दुने १,४५५ लायेका लिहाँवसेलिइ डिस्चार्ज जुपिनिगु ल्याः ५१,८६६ थ्यगु दु। नेपालय् आः १८,२९९ म्ह सक्रिय सङ्क्रमित आइसाेलेशनय् दु। अथेहे वंगु २४ घाै दुने ६ म्ह सिसेलिइ कोरोना सङ्क्रमणपाखें सिइपिनिगु ल्याः ४५९ थ्यगु मन्त्रालयया प्रवक्ता डाक्टर जागेश्वर गौतमं धयादिल।