येँय् १,८८८ नापं स्वनिगलय् २,२८३ म्ह सङ्क्रमित थप

देयन्यकं ४,०४७ म्हसिके सङ्क्रमण, १,४७३ म्ह डिस्चार्ज, ९ सित

येँय् १,८८८ नापं स्वनिगलय् २,२८३ म्ह सङ्क्रमित थप


असोज २६ -  लिपांगु २४ घाै दुने स्वनिगलय् २,२८३ म्ह कोरोना भाइरसया सङ्क्रमित थप जुगु दु।

स्वास्थ्य तथा जनसङ्ख्या मन्त्रालयया कथं सोमबाः येँय् १,८८८ , यलय् २७७ व  ख्वपय् ११८  म्ह  सिके सङ्क्रमण पुष्टि जुगु खः। 

थ्वहे दथुइ,  थाैं नेपालय् कोरोना भाइरसया सङ्क्रमितया ल्याः १११,८०२ म्ह पु्ष्टी जुगु दु। वंगु २४ घाै दुने ४,०४७ म्हसिके कोरोना भाइरसया सङ्क्रमण पुष्टि जुगु मन्त्रालयं धागु दु। 

वंगु २४ घाै दुने १,४७३ लायेका लिहाँवसेलिइ डिस्चार्ज जुपिनिगु ल्याः ७७,२७७ थ्यगु दु। नेपालय् आः ३३,८८० म्ह सक्रिय सङ्क्रमित आइसाेलेशनय् दु। अथेहे वंगु २४ घाै दुने ९ म्ह सिसेलिइ कोरोना सङ्क्रमणपाखें सिइपिनिगु ल्याः ६४५ थ्यगु मन्त्रालयया प्रवक्ता डाक्टर जागेश्वर गौतमं धयादिल।