यलय् ५४३ नापं स्वनिगलय् ३,१०७ म्ह सङ्क्रमित थप

देयन्यकं ५,७४३ म्हसिके सङ्क्रमण, २,९९६ म्ह डिस्चार्ज, २६ सित

यलय् ५४३ नापं स्वनिगलय् ३,१०७ म्ह सङ्क्रमित थप


कार्तिक ५ - वंगु २४ घाै दुने थप ५,७४३ म्हसिके कोरोना सङ्क्रमण पुष्टि जुगु दु। २०,११८ म्हसिगु नमुना परीक्षण याःबलय् ५,७४३ म्हसिके कोरोना पुष्टि जुगु स्वास्थ्य तथा जनसंख्या मन्त्रालयं धागु दु।

थ्वनापं नेपालय् कोरोना सङ्क्रमितया ल्याः १,४४,८७२ थ्यगु दु। बुधबाः थप जुपिं मध्ये ३,१०७ म्ह कोरोना सङ्क्रमित स्वनिगःया जक खः। मन्त्रालयया कथं येँय् २,३९१, यलय्  ५४३ व ख्वपय् १७३ म्हसिके कोरोना सङ्क्रमण पुष्टि जुगु खः।

अथेहे वंगु २४ घाै दुने २,९९६ म्ह कोरोना सङ्क्रमणमुक्त जुगु दुसाः थ्वनापं कोरोनामुक्त जुपिनिगु ल्याः ९९,६०५ थ्यगु मन्त्रालयं धागु दु।  नेपालय् ४४,४७६ म्ह सक्रिय सङ्क्रमित दु ।अथेहे वंगु २४ घाै दुने थप २६ म्ह सिसेलिइ सङ्क्रमणपाखें सिइपिनिगु ल्याः ७९१ थ्यगु स्वास्थ्य मन्त्रालयया प्रवक्ता  डा. जागेश्वर गौतमं धयादिल।