यलय् १५७ नापं स्वनिगलय् १,५५२ म्ह सङ्क्रमित थप

देयन्यकं ३,६३७ म्हसिके सङ्क्रमण, ३,२१५ म्ह डिस्चार्ज, २१ सित

यलय् १५७ नापं स्वनिगलय् १,५५२ म्ह सङ्क्रमित थप


कार्तिक ६ - वंगु २४ घाै दुने थप ३,६३७ म्हसिके कोरोना सङ्क्रमण पुष्टि जुगु दु। १५,२५५ म्हसिगु नमुना परीक्षण याःबलय् ३,६३७ म्हसिके कोरोना पुष्टि जुगु स्वास्थ्य तथा जनसंख्या मन्त्रालयं धागु दु।

थ्वनापं नेपालय् कोरोना सङ्क्रमितया ल्याः १,४८,५०९ थ्यगु दु। बिहिबाः थप जुपिं मध्ये १,५५२ म्ह कोरोना सङ्क्रमित स्वनिगःया जक खः। मन्त्रालयया कथं येँय्
१,२८३, यलय्  १५७ व ख्वपय् ११२ म्हसिके कोरोना सङ्क्रमण पुष्टि जुगु खः।

अथेहे वंगु २४ घाै दुने ३,२१५ म्ह कोरोना सङ्क्रमणमुक्त जुगु दुसाः थ्वनापं कोरोनामुक्त जुपिनिगु ल्याः १०२,८२० थ्यगु मन्त्रालयं धागु दु।  नेपालय् ४४,८७७ म्ह सक्रिय सङ्क्रमित दु ।अथेहे वंगु २४ घाै दुने थप २१ म्ह सिसेलिइ सङ्क्रमणपाखें सिइपिनिगु ल्याः ८१२ थ्यगु स्वास्थ्य मन्त्रालयया प्रवक्ता  डा. जागेश्वर गौतमं धयादिल।