स्वनिगलय् ९५७ म्हनापं देयन्यकं १,६६९ म्ह सङ्क्रमित थप

५,६९९ म्ह डिस्चार्ज, १६ सित

स्वनिगलय् ९५७ म्हनापं देयन्यकं १,६६९ म्ह सङ्क्रमित थप


मंसिर ७ - नेपालय् काेभिड–१९ (कोरोना भाइरस) या सङ्क्रमितया ल्याः २ लख २० द्वः ३०८ थ्यगु दु।

स्वास्थ्य तथा जनसङ्ख्या मन्त्रालया कथं आइतबाः १,६६९  म्हसिके सङ्क्रमण पुष्टि जुगु खः। उकिं मध्ये लिपांगु २४ घाैदुने स्वनिगलय् ९५७ म्हसिके कोरोना भाइरसया स‌क्रमण पुष्टि जुगु दु। मन्त्रालयया कथं येँय् ७३३, ख्वपय् ५३ व यलय्  १३१ म्ह संक्रमित थप जुगु दु।

अथेहे वंगु २४ घाै दुने ५,६९९ म्ह लंका अस्पतालं वसेलिइ डिस्चार्ज जुपिनिगु ल्याः १  लख ९९ द्वः ०२४ थ्यगु दु। नेपालय् १९,९६३ म्ह सक्रिय सङ्क्रमित आइसाेलेशनय् च्वनाच्वंगु दु । 

वंगु २४ घाै दुने १६ म्ह सिसेलिइ कोरोना सङ्क्रमणं सिइपिनिगु ल्याः १,३२१ थ्यगु मन्त्रालयं धागु दु।