देयन्यकं १,४९० म्ह सङ्क्रमित थप

१,५६७ म्ह डिस्चार्ज, ९ सित

देयन्यकं १,४९० म्ह सङ्क्रमित थप


मंसिर १७ - नेपालय् काेभिड–१९ (कोरोना भाइरस) या सङ्क्रमितया ल्याः २ लख ३६ द्वः २४६ थ्यगु  दु।

स्वास्थ्य तथा जनसङ्ख्या मन्त्रालया कथं बुधबाः १,४९०  म्हसिके सङ्क्रमण पुष्टि जुगु खः। उकिं मध्ये लिपांगु २४ घाैदुने स्वनिगलय् ७२३ म्हसिके कोरोना भाइरसया स‌क्रमण पुष्टि जुगु दु। 

अथेहे वंगु २४ घाै दुने १,५६७ म्ह लंका अस्पतालं वसेलिइ डिस्चार्ज जुपिनिगु ल्याः २  लख १८ द्वः १६१ थ्यगु दु। नेपालय् १६,५४७ म्ह सक्रिय सङ्क्रमित आइसाेलेशनय् च्वनाच्वंगु दु । 

वंगु २४ घाै दुने ९ म्ह सिसेलिइ कोरोना सङ्क्रमणं सिइपिनिगु ल्याः १,५३८ थ्यगु मन्त्रालयं धागु दु।