थप १,०९६ म्हसिके कोरोना पुष्टी, ६,२१० म्ह सक्रिय संक्रमित

थप १,०९६ म्हसिके कोरोना पुष्टी, ६,२१० म्ह सक्रिय संक्रमित


बैशाख ५ - लिपांगु २४ घौदुने देयन्यकं १,०९६ म्हसिके कोरोना भाइरस (कोभिड–१९) संक्रमण पुष्टि जूगु दु।

स्वास्थ्य तथा जनसंख्या मन्त्रालयया प्रवक्ता डा जागेश्वर गाैतमया कथं देयन्यकं ५,०८४ आरटी पिसिआर व ६९९ एन्टिजेन विधिपाखें याःगु नमुना परीक्षणय् १,०९६ म्हसिके संक्रमण पुष्टि जूगु खः । १,०१५ म्हयाके पिसिआर विधिपाखें व ८१ म्हयाके एन्टिजेन विधिपाखें  परिक्षण याबलय् कोरोना संक्रमण पुष्टी जूगु खः। स्वनिगलय् दकलें यक्व ४३५ म्हसिके संक्रमण पुष्टि जूगु दु। थुकिइ मध्ये ३२६ म्ह येँय् , ६४ म्ह यलय् व ४५ म्ह ख्वपय् थप जूगु दु ।

थुथाय् ६,२१० म्ह सक्रिय संक्रमित अवस्थाय् दु।

आइबाः देयन्यकं २६२ म्ह कोरोना संक्रमणमुक्त जूगु मन्त्रालयं धागु दुसाः कोरोना संक्रमणं ८ म्ह सिगु दु। थ्वनापं आःतक कोरोनां सिइपिनिगु ल्याः ३,०८३ थ्यगु दु।