स्वनिगः कोरोनाया हटस्पट जुल १,०५१ संक्रमित थप, देयन्यक २,३५१ संक्रमित थप

स्वनिगः कोरोनाया हटस्पट जुल  १,०५१  संक्रमित थप, देयन्यक  २,३५१  संक्रमित थप


बैशाख ८ - स्वनिगः कोरोना भाइरस संक्रमणया हटस्पट जूगु दु। बुधबाः स्वनिगलय् जक १,०५१ म्ह संक्रमित थप जूगु दु।  थुकिइ मध्ये ७८६ म्ह येँय् , १८१ म्ह यलय् व ८४ म्ह ख्वपय् थप जूगु खः। थ्वनापं लिपांगु २४ घौदुने देयन्यकं २,३५१ म्हसिके कोरोना भाइरस (कोभिड–१९) संक्रमण पुष्टि जूगु दु।

स्वास्थ्य तथा जनसंख्या मन्त्रालयया प्रवक्ता डा जागेश्वर गाैतमया कथं २,२२० म्हयाके पिसिआर विधिपाखें व १३१  म्हयाके एन्टिजेन विधिपाखें  परिक्षण याबलय् कोरोना संक्रमण पुष्टी जूगु खः।

थुथाय् १०,५८२ म्ह सक्रिय संक्रमित अवस्थाय् दु। म्हिग थुथाय् ८,६५९ म्ह सक्रिय संक्रमित अवस्थाय् दुगु खः।