थप २,४२८ म्हसिके कोरोना पुष्टी, १२,६९० म्ह सक्रिय संक्रमित

थप २,४२८ म्हसिके कोरोना पुष्टी, १२,६९० म्ह सक्रिय संक्रमित


बैशाख ९ - लिपांगु २४ घौदुने देयन्यकं २,४२८ म्हसिके कोरोना भाइरस (कोभिड–१९) संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं देयन्यकं १०,००१ आरटी पिसिआर व ४४७ एन्टिजेन विधिपाखें याःगु नमुना परीक्षणय् २,४२८ म्हसिके संक्रमण पुष्टि जूगु खः । २,३६५ म्हयाके पिसिआर विधिपाखें व ६३  म्हयाके एन्टिजेन विधिपाखें  परिक्षण याबलय् कोरोना संक्रमण पुष्टी जूगु खः।थुथाय् १२,६९० म्ह सक्रिय संक्रमित अवस्थाय् दु।

बिहिबाः देयन्यकं २५२ म्ह कोरोना संक्रमणमुक्त जूगु मन्त्रालयं धागु दुसाः कोरोना संक्रमणं ५ म्ह सिगु दु। थ्वनापं आःतक कोरोनां सिइपिनिगु ल्याः ३,११७ थ्यगु दु।