काेराेनां छन्हू हे ५८ म्ह सित, ८,६५९ संक्रमित थप

काेराेनां छन्हू हे ५८ म्ह सित, ८,६५९ संक्रमित थप


बैशाख २२ - नेपालय् ८,६५९ म्ह कोरोना संक्रमित थप जूगु दुसाः ५८ म्ह सिगु दु ।

लिपांगु २४ घौ दुने देयन्यकं २०,७५६ आरटी पिसिआर व ६१६ एन्टिजेन परीक्षण यागुलिं  पिसिआर विधिपाखें ८,६०५ व एन्टिजेन विधिपाखें ५४ म्हसिके याना ८,६५९ म्हसिके कोरोना संक्रमण पुष्टि जूगु स्वास्थ्य तथा जनसंख्या मन्त्रालयं धागु दु।

थुथाय् ६६,३५२ म्ह सक्रिय संक्रमित अवस्थाय् दु।

बुधबाः देयन्यकं १,९९३ म्ह कोरोना संक्रमणमुक्त जूगु दुसाः लिपागु २४ घौं दुने ५८ म्ह संक्रमणं सिगु दु । थ्वनापं आःतक कोरोनां सिइपिनिगु ल्याः ३,४७५ थ्यगु दु ।