कोरोनाया संक्रमण व मृत्युदर छसिकथं पाः जुल

कोरोनाया संक्रमण व मृत्युदर छसिकथं पाः जुल


जेठ १६ - कोरोना महामारीया निगूगु लहर वसेलिं ह्वात थहाँवगु संक्रमण दर व मृत्युदर बुलुहँ पाः जूगु दु । ४ न्हू थुखे कोरोना संक्रमितया ल्याः पाः जुयाच्वंगु स्वास्थ्य मन्त्रालयया तथ्यांकं क्यंगु दु । संक्रमितया ल्याः जक मजुसें सिइपिनिगु ल्याः नं बुलुहँ कम जूगु दु।

८ द्वःया ल्याखँय् लानाच्वंगु संक्रमितया ल्याः जेठ १२ गते थुखे ६ द्वःया ल्याखँय् वगु खः । थ्व ल्याः पाः जुया म्हिगः ४,४८७ य् वगु खः। मृत्युदर नं १०० या ल्याखँय् दु । तर विज्ञतयसं धासाः  जोखिम शुन्यय् मवनिगुलिं खतरा अझं न दनिगु धागु दु ।

अस्पतालय् नं  संक्रमितया ल्याः छसिकथं पाः जूजु वनाच्वंगु चिकित्सकतयसं धागु दु । त्रिवि शिक्षण अस्पतालय् वइपिं कोरोना संक्रमितया चाप पाः जूगु डा.सविन थपलियां धयादिल ।उगु अस्पतालय् छवाः न्हय्  न्हिच्छिया ६० निसें ७० म्ह कोरोना संक्रमित भर्ना जुयाच्वंगुलिं आः थ्व ल्याः पाः जुया १५निसें २० य् वगु डा. थपलियां धयादिल।

अथेहे दकलें यक्व चाप दइगु शुक्रराज ट्रपिकल तथा सरुवा रोग अस्पतालय् नं बिरामीया चाप पाः जूगु सरुवाल्वय् विशेषज्ञ डा अनुप बास्तोलां धयादिल।

लिपांगु वाछि थुखेया कोरोना संक्रमित व सिइपिनिगु ल्याः

जेठ १ – ८१६७ संक्रमित, १८७ मृत्यु
जेठ २ – ७३६८ संक्रमित, १४५ मृत्यु
जेठ ३ – ९२४७ संक्रमित, २१४ मृत्यु
जेठ ४ – ८२०३ संक्रमित, १९६ मृत्यु
जेठ ५ – ८१७३ संक्रमित, २४६ मृत्यु
जेठ ६ – ८३०५ संक्रमित, १९० मृत्यु
जेठ ७ – ८६०७ संक्रमित, १७७ मृत्यु
जेठ ८ – ८९८० संक्रमित, १२९ मृत्यु
जेठ ९ – ७९१४ संक्रमित, १९३ मृत्यु
जेठ १० – ७४२५ संक्रमित, १८५ मृत्यु
जेठ ११ – ८६३६ संक्रमित, १६९ मृत्यु
जेठ १२ – ६७४१ संक्रमित, १४५ मृत्यु
जेठ १३ – ६९३९ संक्रमित, १०६ मृत्यु
जेठ १४ – ६९५१ संक्रमित, ९६ मृत्यु
जेठ १५ – ४४८७ संक्रमित, ११६ मृत्यु