हरिसिद्विइ काेराेनाया आशंकाय् स्वाब परिक्षण यायेत अस्पताल यंकल

यलया हरिसिद्विइ काेराेनाया आशंकाय् छम्हसित  परिक्षणया लागि  अस्पताल यंकुगु दु।

हरिसिद्विइ काेराेनाया आशंकाय् स्वाब परिक्षण यायेत अस्पताल यंकल


चैत २३. सिन्धुली जिल्ला छेँय् जुया थुथाय् यल महानगरपालिका वडा ल्या २९  हरिसिद्वि जलया  गुमज चाेक जख वालं च्वनाच्वंम्ह ४३ दँया छम्ह मिजयात आइतबाः सुथय्  काेराेना संक्रमणया आशंकाय्  स्थनिय वडा अध्यक्षलिसें  प्रहरीया सकृयताय्  पाटन अस्पतालया आईसाेलेसनय् छ्वगु खः। वयकलिसें वयकया ३८ दँया जहान , १९ दँया काय् व  १२ दँया म्ह्याय् यात न काेराेना परिक्षणया लागि पाटन अस्पताल छ्वगु खः ।

वयक वगु चैत्र ७ गते भारतया दिल्लीं लिहाँवगु व शनिबाः निसें काेराेनालिसै ज्वःलागु लक्षण खनेदुगुलिइ सुथय्  स्वाव परिक्षणया लागि यंकुगु धकाः सासदं राजकाजी महर्जनं धयादिल ।  सुथसिया  ७ ताः इपाखें महानगरपालिकाया एम्बुलेन्सया लागि सम्पर्क यासाः अन छु न रिस्पाेन्स मवगु  धासें लिपा बाध्य जुया गाेदावरी नगरपालिकाया एम्बुलेन्स सता अस्पताल छ्वयागु धकाः वडा नं २९ य अध्यक्ष गणेशकुमार महर्जनं धयादिल । अथेहे अध्यक्ष महर्जनं स्थानिय बासियात छेँय् दुने च्वनाच्वनेत व मजिमगायेकं पिहाँमवयेत इनाप यानादिगु दु ।