६० निसें ६४ दँया नागरिकयात कोरोना विरुद्धया खोप अभियान न्ह्याःत

६० निसें ६४ दँया नागरिकयात कोरोना विरुद्धया खोप अभियान न्ह्याःत


जेठ २५  - सरकारं  मंगलबाःनिसें देयन्यकं कोरोनाविरुद्ध खोप अभियान न्ह्याकुगु दु। चीनं अनुदानय् ब्यूगु भेरोसिल खोप स्वनिगःया येँय्, यल व ख्वपया  ६० निसें ६४ दँ व स्वनिगःपिनेया हकय् ६२ निसें ६४ दँ उमेर समूहयात जेठ २५ निसें न्हापांगु डोज  ब्यूगु खः।

देयन्यकं  ६२ निसें ६४ दँ उमेर समूहया नागरिकया ल्याः ४ लखं मल्याक दु। चीनं निगूगू चरणय् अनुदानय् ब्यूगु १० लख डोज खोप सुरुइ ६० निसें ६४ दँ उमेरया फुक्कंसित बइगु धागु खः। तर, खोप गाइथे मच्वगुलिइ स्वनिगलय्  ६० निसें ६४ व पिनेया हकय् ६२ निसें ६४ दँ उमेर समूहयात ब्यूगु खः।

चीनं न्हापांगु व निगूगु चरणय् यानाः नेपालःयात अनुदानय् १८ लख डोज खोप ब्यूगु खः ।