७७ गू जिल्लाय् सङ्क्रमण थ्यन, सङ्क्रमितया ल्याः १२,३०९

७७ गू जिल्लाय् सङ्क्रमण थ्यन, सङ्क्रमितया ल्याः १२,३०९


असार १३ - नेपाःया ७७ गू जिल्लाय् काेराेना भाइरसया सङ्क्रमण फैले जुगु दु ।

थाैं रसुवाय् न सङ्क्रमण खनेदसेलिइ देयन्यक काेराेना फैले जुगु स्वास्थ्य तथा जनसङ्ख्या मन्त्रालयं धागु दु।

शनिबाः रसुवाया ९ म्हनापं  ५५४ म्हसिके काेराेना पुष्टि जुसेलिइ सङ्क्रमितया ल्याः १२,३०९ म्ह थ्यगु खः। देयया थीथी प्रयोगशालाय् याःगु परीक्षणय् १२० म्ह मिसा व ४३४ म्ह याना ५५४ म्हसिके सङ्क्रमण पुष्टि जुगु मन्त्रालयं धागु दु।

लिपांगु इलय् १३६म्ह कोरोना लायेकाः डिस्चार्ज जुयावंगु दु। थ्वनापं नेपालय् कोरोना सङ्क्रमणपाखें लायेका वपिनिगु ल्याः २८३४ म्ह थ्यगु दु।

थ्वहे दथुइ कोरोनां सिइपिनिगु ल्याः २८ थ्यगु दु। कैलालीया गोदावरी नगरपालिका ७ या ५० दँ मिजं चितवन मेडिकल कलेजय् वासःया झ्वलय् सीगु  व वयकयाके सङ्क्रमण खनेदुगु मन्त्रालयं पुष्टि याःगु दु।