स्वनिगलय् अप्वल कोरोना जोखिम

स्वनिगलय् अप्वल कोरोना जोखिम


भदौ २ - स्वनिगः कोरोना सङ्क्रमितया उच्च जोखिमय् दूगु दु। न्यासः/ खुसःया ल्याखँय् सङ्क्रमित दैनिक रूपं थप जुयाच्वगुलिं म्हिगः मङ्गलबाः छन्हू हे स्वनिगलय् कोरोना सङ्क्रमितया ल्याः द्वोछिं मल्याक थप जूगु खः।

स्वास्थ्य तथा जनसङ्ख्या मन्त्रालयया कथं म्हिगः मंगलबाः येँय् ६७३, ख्वपय् १४१ व यलय् २१९ म्ह यानाः १,०३३ म्ह सङ्क्रमित थप जूगु खः।

म्हिगःतकया दुने येँय् ८,१५८, ख्वपय् १,४७० व यलय् २,१४६ याना स्वनिगलय् सक्रिय संक्रमितया ल्याः ११,७७४ थ्यंगु दु।

अथेहे येँय् महानगरपालिकाय् जक कोरोनाया सक्रिय संक्रमितया ल्याः ४ द्वःलं अप्वगु दु। येँय् महानगरपालिकाय् आः ४,१६३ म्ह सक्रिय संक्रमित दु। संक्रिय संक्रमितमध्ये ३,९६८ म्ह होम आइशोलेसन व १४३ म्ह अस्पतालय् दुगु महानगरपालिकां धागु दु। महानगरपालिकाया ३२ वडामध्ये दकलें यक्व वडा ल्याः ३२ य् ४२४ म्ह सक्रिय संक्रमित दुगु महानगरं धागु दु। महानगरपालिकाय् आःतक ७५,६५९ म्हसिके संक्रमण पुष्टि जूगुलिं ७०,९७५ म्ह संक्रमणमुक्त दुसाः ५२१ म्ह सिगु दु।