लायेका वम्हसिके हाकनं कोरोना संक्रमण

लायेका वम्हसिके  हाकनं कोरोना संक्रमण


बैशाख २१ - कोरोनाया उपचारलिपा लायेका छेँय् छ्वम्ह रौतहटया छम्ह मिजंयात हाकनं कोरोना संक्रमणया शंकाय् ७ न्हू लिपा नारायणी अस्पतालय् यंकुगु दु । कोरोना भाइरसया संक्रमण पुष्टि जुसेलिइ रौतहटया इशानाथ नगरपालिका ८ या उम्ह मिजंयात बैशाख २ गते नारायणी अस्पतालय्  भर्ना याःगु खः । 

नारायणी अस्पतालया आइशोलेशनय् १२ न्हू तक तम्ह वयकया पीसीआर परीक्षणया स्वकःगू, प्यक्वःगू व न्याक्वःगू रिपोर्ट नेगेटिभ वसेलिइ अस्पतालं बैशाख १४ गते डिस्जार्च यागु खः ।   तर छेँय् छ्वगु छवाः मदुबलय् वयकयात शनिबाः चान्हय् हाकनं रौतहटय् च्वगु छेँय् न अस्पतालय् हयाः  आइशोलेशन वार्डय् तगु खः । अस्पतालया मेसु डा. मदन कुमार उपाध्यायं वयकयाके लक्षण लिथ्वगुलिइ हाकन आइसोलेसनय् तयाःगु धयादिल। 

स्रोतया कथं छेँय् वंगु स्वन्ह् लिपा वंगु बुधबाः  नारायणी अस्पतालं छेँय् वपिं  स्वास्थ्यकर्मीतयसं वयकयागु खै, न्हिं व हिंया नमुना संकलन याना लिहाँवगु खःसाः शनिबाः बहनी छेँय् न एम्बुलेन्सय् तयाः नारायणी अस्पताल यंकुगु खः ।  

अस्पतालं शनिबाः वयकया स्वाबया नमुना संकलन याना हाकनं पीसीआर परीक्षणय लागि येँय् छ्वगु खः ।