काेराेना सङ्क्रमितयात वासःयायेत येँय् नं झापा यंकल

काेराेना सङ्क्रमितयात वासःयायेत येँय् नं झापा यंकल


बैशाख २० - येँय्या अस्पतालय् कोरोनाया जटिल बिरामीतयगु उपचार यायेत भेन्टिलेटरनापं सघन उपचार कक्ष आईसीयू बेडया तच्वकं अभाव जुसेलिं स्वनिगःपिनेया अस्पतालय् ‘हवाई बेड लिफ्ट’ याना बिरामी यंकुगु दु। 

येँय्या मनमोहन अस्पतालय् वासः याकाच्वम्ह छम्ह कोरोना भाइरसया सङ्क्रमितयात थाैं सोमवाः झापाया बिर्तामोडय् दुगु बीएण्डसी अस्पतालय् यंकुगु दु। बिरामीयात थप उपचारया लागि हेलिकप्टरमार्फत 'बेड लिफ्ट' याःगु खः। 

येँय्या अस्पतालय् भेन्टिलेटरनापंया आइसीयू बेड मदुगुलिं झापा कमल गाउँपालिका वडा ५ या छम्ह सङक्रमितयात बीएण्डसी अस्पताल यंकुगु खः। 

थ्वया न्हय् ह्याम्स अस्पतालं झापाया हे छम्हसित यंकूगु खः। उम्ह सङ्क्रमितया अवस्था सुधार जुयाच्वंगु बीएण्डसी अस्पतालया जनसम्पर्क अधिकृत प्रमिश गिरीइ जानकारी बियादिल।