बागमती प्रदेशय् कोरोनां १४७ म्ह गम्भीर अवस्थाय्

बागमती प्रदेशय् कोरोनां १४७ म्ह गम्भीर अवस्थाय्


असोज १२ - कोरोना भाइरसया संक्रमण थुथाय् स्वनिगः केन्द्रित जुगु दु।

देयन्यकं खनेदुपिं संक्रमितमध्ये बच्छिं मल्याक स्वनिगलय् दु। संक्रमणदर अप्वसेलिइ बागमती प्रदेशय् गम्भीर अवस्थाया संक्रमित नं अप्वगु दु।

सुरुइ २ नम्बर प्रदेश न्ह्यने लागु जुसाः आः धासाः दकलें अप्व कोरोना संक्रमित दुगु प्रदेश बागमती प्रदेश जुगु दु।

स्वास्थ्य तथा जनसंख्या मन्त्रालयं बागमती प्रदेशय् १४७ म्ह कोरोना संक्रमितया स्वास्थ्य अवस्था गम्भीर जुगु धागु दु। गम्भीर संक्रमिततयत थीथी अस्पतालया आइसियू व भेन्टिलेटरय् तयाः वासः यानाच्वंगु दु। आइसियूलय्  १२१ व भेन्टिलेटरय् २६ म्हसिगु वासः जुयाच्वंगु दु। 

आइसोलेसनय् नं बागमती प्रदेशय् देयन्यकंया ल्याःया बच्छि मल्याक दु। बागमती प्रदेशय्  ५,७०२ म्ह संस्थागत आइसोलेसनय् व ६,३४९ म्ह होम आइसोलेसनय् च्वंनाच्वंगु दु।

आःतक ६,३१० म्ह क्वारेन्टिनय् दुसाः ५४,६४० म्ह संक्रमणमुक्त जुइधुक्कुगु दु।